Giorgio Pagano (Radikaluloj/ERA): Pininfarina forpasis antaŭ vidi la morton de la itala krepovo Featured

Giorgio Pagano (Radikaluloj/ERA): Pininfarina forpasis antaŭ vidi la morton de la itala krepovo

«Mi omaĝas la memoron de Sergio Pininfarina, simbolo kaj kreinto de la sukceso de itala industrio kaj dezajno tutmonde, antaŭ vidi la detruadon fare de tiuj politeknikoj, el kiu li venis». Tion deklaris Giorgio Pagano, Sekretario de Esperanto Radikala Asocio, la tagon post la morto de la itala dezajnisto.

«La vivo kaj kariero de Pininfarina estas la atesto, ke eblas fari entreprenon, produkti ekonomion kaj profitigi je plejbono la italan kreopovon, iĝante Majstroj kaj eksportante la propran markon kaj italecon en la tuta mondo.

Li doktoriĝis en 1950 pri mekanika inĝenierio ĉe la Politekniko de Torino, en 1961 ekgvidis la patran entreprenon kaj ĉiam plugardis la fabrikajn instalaĵojn en la torina provinco, sen cedi al la koloniado, kiun la kunlaboruloj de la politeknikoj nomas internaciigo, aŭ al la delokiĝo», daŭrigis Pagano.

«La sperto de Pininfarina devus konduki al prikonsidero tiujn, kiuj, kiel Azzone, rektoro de la milana Politekniko, estas konvinkitaj, ke nepre necesas forstreki la italan lingvon kaj studi nur en la angla por esti konkurencaj, aŭ kiuj, kiel Marchionne, pretendas savi italan entreprenon (la FIAT) forportante ĝin el la itala teritorio.

Se el la torina provinco eliris la luksajn Cadillac-ojn vendotajn en la tuta mondo, estas ĉar oni donis gravecon kaj antaŭenpuŝon al la krepovo kaj al la kapabloj de dezajnistoj, inĝenieroj kaj laboristoj italoj. La tuta kontraŭo ol tiuj, kiuj volas studigi la italajn junulojn per alia lingvo, forŝakrante ilian menson, kiel volas fari la Politekniko ekde 2014, devigante ilin al la trudita elmigro por serĉi laboron en anglelingvaj landoj, ĉar ili ne scipovos plu profesie la italan», konkludis Pagano.

Romo, la 4an de julio 2012

back to top

"Esperanto" Radikala Asocio


Associazione Radicale Esperanto
Esperanto Radical Association

Senza scopo di lucro dal  25 aprile 1987
O.N.L.U.S. dal 1998
Codice fiscale 97104360587
Ente Servizio Civile Nazionale NZ02506
Conto corrente postale 60397007
Conto bancario presso Poste italiane IBAN:
IT07N0760103200000060397007
Associazione costituente del Partito Radicale
nonviolento, transnazionale e transpartito